elfe | 31 März, 2006 00:18
elfe | 22 März, 2006 02:46
isch iz grad nid so ae lustigi zyt gsi. ha ae allergischi reaktion uf z hanne-wasser hie ka. u wo de das isch besser gsi, bi i raecht fescht krank worde. ha naer so medis vo hie gno. u die sie mega stark gsi u hei wieder ae allergischi reaktion usgloest. zum glueck ha i mi iz raecht guet erholt. isch aes scheiss gfuehl we ir city unterwaegs bisch u mega schwindel-anfaell hesch die ganz zyt.
iz bi i huet grad gfragt worde, ob i am fritig woue bi rae party so 2h schaffe. bim vip-eingang. derfuer cha i naer gratis iche u au no oeper mitnae (back to the roots - reithalle ;-), kenn i ja guet die arbeit als tuersteherin ;-). naja, ha natuerlich zue gseit. wird sicher lustig. schaffe doert mit aeme meitschi vo colombia, wo i au kenneglernt ha. mit ihre ha igs mega guet. mir wei am donnsti au no a naes rockkonzert. isch u gaebig mit ihre. denn sie het au nid so viel geld zum usgae u so sueche mir moeglichkeite fuer i usgang, wo mir nid viel geld bruche ;-).
now i have to go. ha no mit aeme schweizer meitschi u aem nae meitschi vo italie abgmacht.
xdenise
(weiter)elfe | 14 März, 2006 05:17
wie wild.
im moment hei mir hie nid so guets wetter. es regnet sehr viel u mehreri luet hei gmeint, es sigi scho lang nueme so kalt gsi. naja, muesch es nae wies chunnt.
d corinna (hamburgerin) u i sie iz 2 mal so i nae gay-club im castro. z erste mal hei mir i bekanntischt techno-schuppe woelle. da sie ersch 18 jaehrig isch, het sie mini id gno. iche isch sie ohni problem cho. wo i naer mit mim pass ha ichewoelle, hets aber naer riese problem gae. zersch isch dr tuersteher u nett gsi. het mi aglaechlet us ja soooo toll gfunde, dass sich aes schweizermeitschi hie haere verirrt. aber de het aer ploetzlich gstocket u gmeint: wart mal, schweizermeitschi, da isch doch vor aere viertel stund scho eis iche.... naja, sie hei mi naer grad woue isperre ;-) bad girl wo minderjaherigi zu seich verfuehrt ;-). de sie mir halt no chli lachend duer d strasse vo san fran gsecklet, heis oemu mit humor gno. naer sie mir ziemlich nass vom rege aebe bi dam gay-club acho. doert hets ohni problem klappet ;-). u als frau isch es eh am beste i so aeme club. wirsch behandelt wie nae prinzessin ;-).
(weiter)elfe | 02 März, 2006 22:29
aes paar foeteli ufezlade. ha aber leider z wenig speicherplatz fuer alli (reto h. - mi bestischt fruend, chasch mir da helfe?).
(weiter)elfe | 24 Februar, 2006 05:31
iz bi i oepe scho drue wuche hie. s chunnt mir irgendwie scho viel laenger vor. ha mi aecht guet iglaebt hie.
obwohl mir hie mega guets wetter hei (sit i hie bi hets fangs 2 taeg graegnet) ha i mi verkaeltet. naja bi ja au selber schuld. d haustuerene sie hie so konstruiert, dass wenn usegeisch d tuer automatisch naer bschlosse isch, d.h. muesch halt immer ae schluessel mitnae oder nid vergaesse aes knoepfli bir tuere z dreihe. ja u denn wo i no bir sabrina ha gwohnt, sie isch grad am schaffe gsi, ha i eis woue ga rauche uf ae balkon und ha vergaesse dr schluessel mitznae. super, bi naer bir nachbarin ga klopfe u die het mir de gholfe u am mann mit aem ersatzschluessel agluete. z problem isch, dass we dir ae amerikaner seit aer choemm so irae halb stund, das guet au ae stund cha si. ha de oepe 1, 5 stund uf aem balkon gwartet bis de aendlich dae ueberus naett aelter herr isch cho. derfuer het aer mir d koeste vo 50 dollar la si.
z gliche isch hie mit de buse. aes git i daem sinn kei fahrplan. geisch eifach mal zur haltstell u de chas si, dass so a halb stund bis ae stund uf nae bus wartisch. d luet naehmes aber mega easy hie. es het uf jede fall scho maengs lustigs gspraech derduer gae;-). muess eh saege das die meiste luet hie ir stadt aecht u naett si. da wirsch sogar am morge frueh vo fremde luet gruesst (wie im nae dorf ir schweiz) u bim einsteigen i bus hei fraue u aelteri luet immer vorrang. z glich bim sitze. u sogar z anstehen im nae gschaeft funktioniert hie.
aecht schoen isch es au am morge. d sunne schient scho am achti u meistens isch knallblaue himmel. iz wo i au die verschiednige quartier hie chli naecher bi ga aluege, ha i gmerkt, dass d luet hie aecht nid so typisch ami-maessig si. d istellig isch: jede cha mache u lebe wie aer wett, aer darf eifach niemmer anders verletze oder ischraenke derbi.
(weiter)elfe | 17 Februar, 2006 05:33
elfe | 09 Februar, 2006 07:05
chline usflug a ocean. traumhaft... (have a look at the pictures)
elfe | 08 Februar, 2006 19:27
was wotsch meh. z wetter wird vo tag zu tag schöner (iz scho um die 24°) u wärmer...
(weiter)elfe | 05 Februar, 2006 02:24
elfe | 03 Februar, 2006 11:54
nach äm gestrige konzert (ächt mega schön u dr perfekt reise-start) verbring i iz no mi letscht tag hie in züri...
bi langsam scho so chli närvös uf das wo mi erwartet, nid erwartet oder wie au immer.
morn am halbi 8 flüg i los und am viertel ab 9 (eui zyt) am abe bi i de dört.
(hey u merci für eui kommentär, klappet ja ächt)
elfe | 28 Januar, 2006 18:52
| « | Juli 2010 | » | ||||
|---|---|---|---|---|---|---|
| Mo | Di | Mi | Do | Fr | Sa | So |
| 1 | 2 | 3 | 4 | |||
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 30 | 31 | |